نوفمبر 12, 2017

أكتر 5 مهارات مطلوبة في سوق العمل في 2017

 

كل واحد مننا قدم في وظيفة قبل كده سأل نفسه: إيه اللي في دماغ صاحب العمل؟ إزاي أخلي نفسي مرشح قوي للوظيفة أكتر من باقي المقدمين؟

في المقال ده هتلاقي كل الإجابات اللي أنت عاوزها.

 

 

1- مهارات التقديم:

معظم الشركات في الوقت الحالي بتدور على موظفين مش بس يقعدوا على مكاتبهم يدوروا على أفكار ومصادر، لكن عاوزين موظفين يقفوا يعرضوا أفكارهم.

إنك تكون عندك القدرة على عرض فكرتك أو تقريرك دي مهارة كل صاحب عمل بيدور عليها في موظفه.

 

2- التواصل: 

التواصل مهارة عمرها ما بتقدم. تقريبًا كل بيزنس اتبنى ونجح -بشكل ما- الفضل بيرجع لمهارات التواصل.

المرة الجاية لما تكون في حدث خاص بالبيزنس ماتفضلش بس واقف هناك، اتحرك، ابدأ محادثة صغيرة مع الضيوف، قدرتك على التواصل ممكن توصلك للوظيفة الجاية.

 

 

3- إدارة المشاريع:

حتى لو ماكنتش متقدم لوظيفة مدير مشاريع، لكن مع وجود شوية مهارات لإدارة المشاريع هتساعدك في تنظيم خط سير أعمالك. لو عرفت إزاي تدير المشاريع، هتقدر تنظم التاسكات  المطلوبة منك، تحط ديد لاين لكل مهمة، تعرف تتواصل مع الفرق التانية اللي شغالة على التاسكات معاك وغير كده كتير.  إدارة مشروع بشكل كويس بتعني كفاءة أكتر، وطبعًا مافيش حاجة أفضل من الموظف الكفء.

 

 

4- مهارات الكتابة:

ممكن تكون شايفها حاجة مش محتاجة مجهود كبير، بس دي مهارة بيحتاجها كتير جدًا من أصحاب الأعمال. إنك تكون مبدع دي حاجة، وإنك تكون قادر إنك توضح أفكارك المبدعة دي عن طريق كتابتها دي حاجة تانية.

دي كمان حاجة سهلة إنك تكتب إيميل، الجزء الصعب هو إنك تقدر تكتبه بصورة رسمية مناسبة توصل رسالتك بيها بشكل واضح. مجال الأعمال محكوم بالإيميلات، ومهارة الكتابة لازم تتعلمها.

 

 

5- مهارات العصف الذهني:

معظم الشركات اللي مجال شغلها إبداعي أو تبع الميديا بتعتمد على “التفكير في مجموعة” أو “البرين ستورمينج”. إزاي تبقى قاعدة الـ”برين ستورمينج”؟ وإيه اللي تدور عليه قبل ما تبدأها؟  هل بتخلي كل الناس بتتكلم بشكل عشوائي ولا كل واحد بيتكلم بالدور؟

كل الأسئلة دي بتوضح قد إيه القاعدة بتاعتك هتبقى مثمرة.

 

علشان كده حساب مهارة الـ”العصف الذهني” من الضروريات اللي بتخليك الأفضل.

Leave a Comment

You must be logged in to post a comment.