نوفمبر 9, 2017

اهم 5 خطوات لتحسين حسابات شركتك

تشغيل أعمالك عبارة عن رحلة بتتعلم فيها، مش بس حول ريادة الأعمال والإدارة، لكن عن كل جانب من جوانب مجال عملك، ولو كنت بتخطط إنك تنجح في عملك، يبقى تحسين حسابات شركتك واحدة من أهم الحاجات اللي هتحتاج ليها علشان تتأكد من إنك ماشي بشكل صحيح.

 

 

1- افتح حساب شركات:

أكبر غلطة ممكن تعملها هو إنك تخلط حسابك الشخصي مع حساب شركتك. أول ما تبدأ عملك التجاري الخاص بيك، ويكون كل أوراقك القانونية اللازمة جاهزة تبدأ على طول في عمل حساب الشركات، ده هيديك حرية أكتر تصرف فيها على المصروفات الخاصة بشركتك.

 

2- ركز مع نفقاتك:

أوعى ماتحافظش على كل فواتيرك وإيصالاتك والشيكات حتى اللي اتلغت، سواء كنت صرفت على عشاء لفريق العمل، أو معدات جديدة للفريق بتاعك، حافظ ديمًا على تسجيل كل حاجة صرفتها، وده هيساعدك إنك تحدد صافي الربح الخاص بيك، علشان ممكن يكون عندك نفقات زيادة مالهاش لزمة،  أو بتستثمر فلوسك في المكان الغلط.

 

3- اعمل نظام إدارة حسابات:

سواء كنت بتعمل ده بنفسك، أو بتستعين بحد من برا شركتك إنه يتعامل مع حسابات شركتك فإنك تعمل نظام إدارة حسابات خاص بيك دي حاجة ضرورية، مهما كانت مهمة مملة، لو كنت لسه بادئ الشركة بتاعتك، فممكن تستثمر في إنك تجيب محاسب من البيت، أو على الأقل تدي كورس محاسبة لواحد من الموظفين اللي موثوق فيهم عندك.

 

 

4- حدد الطريقة اللي هتدفع بيها ويدفعلك بيها:

الشغل عبارة عن صفقة فلوس، سواء بتخرج من حسابك البنكي أو بتدخله، إنك تعمل نظام لصرف الرواتب والفواتير حاجة مهمة. هل هتدفع للموظفين بتوعك بشكل نقدي ولا عن طريق البنك؟ طب والعملاء؟ الكاش ديمًا بيكون أفضل وسيلة، أو مثلًا هل في مدفوعات بتكون بعملات مختلفة وبتتطلب حساب مصرفي؟

 

5- طور ديمًا من أساليبك:

زي جوانب كتيرة في مجال الأعمال التجارية، المحاسبة ممكن تبقى كويسة أو لاء، مافيش حاجة اسمها “من أول مرة”، هتحتاج ديمًا تجرب أساليب كتير مش مريحة لحد ما توصل لأفضل طريقة تدير بيها شغلك. علشان كده ماتبطلش تتعلم، وحاول ديمًا تطور نظام المحاسبة في شركتك.

 

هنا إحنا حطناك على الطريق، دلوقت افتح حساب لشركتك، وابدأ شغل بشكل جديد مع نظام محاسبة مضمون.

 

Leave a Comment

You must be logged in to post a comment.