نوفمبر 9, 2017

6 خطوات سهلة لحل مشاكل السيولة المالية

مش من المألوف إن الشركات الريادية تواجه أزمة في السيولة من وقت لآخر، سواء كان بسبب تأخر العميل في الدفع، النفقات الكثيرة، أو ببساطة عدم وجود ربح.

 

بس ديمًا في طريقة، مع الـ 6 نصائح الأساسية دي هتساعدك تسيطر على صعوبات السيولة المالية، وتجنب التحديات اللي ممكن تواجه رجال الأعمال في الأشياء المتعلقة بالفلوس.

 

1- خليك منظم:

خلينا نبدأ بالأساسيات، البنية التحتية للمحاسبة والتمويل بتوعك عاملين إزاي؟..  هل بتكلم عملائك في الوقت المحدد؟ إنك تفضل منظم واحدة من أهم الخطوات لو كنت عايز تفهم  السيولة بتاعتك  رايحة  فين وإزاي.

اتبع الخطوة البسيطة دي علشان تساعدك إنك تفضل متوازن.

 

2- نظم الفلوس علشان تتجنب المشاكل المالية:

أبسط طريقة إنك تعد خطة للتوقعات النقدية هو الحفاظ على جدول بسيط، تكتب فيه الدخل والتكاليف الشهرية، ومن خلاله هتقدر تعرف نفقاتك، وهتتمكن من إنك تعرف احتياجات شغلك يوم بيوم، بعد كده يمكنك بسهولة تستعد لاحتمال نقص السيولة النقدية في المستقبل، وتاخد الخطوات المناسبة لتجنبها، وكذلك تتوقع الارتفاعات والانخفاضات الموسمية في الدخل.

 

3- اعرف أصل المشكلة:

لو كنت واقع في حفرة السيولة، فمن المهم إنك تسأل نفسك إيه الأسباب اللي ورا مشاكل السيولة الخاصة بيك، المفتاح ديما هو التخطيط للمستقبل.

حط خطة أسبوعية، شهرية، سنوية، وخمسية، ده هيساعدك إنك تفضل متوازن، بس لو كانت مشكلة السيولة لسه بتحصل، لازم تعرف إنك بتضيع هدفك، ولازم تركز على هيكل العمل بتاعك، ممكن تكون مابتسعرش منتجاتك وخدماتك بشكل صحيح.

أكيد لو عالجت مصدر المشكلة كل الأعراض هتختفي.

إقرى المقال ده عشان تعرف أكتر عن ١٠ طرق تقدر بيهم تزود أسعارك من غير ما تخسر عملاء.

 

4- تقليل النفقات:

ممكن يكون شبه “التحويش” شوية، إنك تقلل النفقات بتاعتك حبة ده هيساعدك في الأيام الصعبة، ابدأ مع وكلائك، ماتخافش إنك تطلب منهم أسعار أقل، وشوف حوليك الأسعار المنافسة والجديدة، دي فكرة كويسة إنك تحدد المجالات اللي ممكن تكون صرفت فيها أكتر من اللازم، اشتريت لوازم مكتبية كتير؟ جبت برامج مش محتاجها؟.. اعرف بالظبط إيه اللي بياخد معظم فلوسك واتعامل مع الأمر فورًا .

 

5 – اطلب عربون، جزء من الفلوس مقدمًا:

أفضل حاجة في العربون هو ضمان السيولة الشهرية، مع ذلك هتصادف مشاريع متوقفة على العملاء، ده كويس، بس هيخلي دخلك الشهري غير ثابت. نصيحتنا هي “التفاوض” علشان تاخد نسبة من الفلوس الخاصة بيك الأول، خصوصًا لو شغال على مشروع طويل الأجل.

 

6- خليك منفتح على التكنولوجيا :

حقيقة إننا بنعيش في عصر التكنولوجيا هي إنك لازم تكون على استعداد إنك تقدم وسيلة دفع عن طريق الـ Credit أو الـ Debit card.

والمدفوعات الإلكترونية زي PayPal و Skrill.

 

من فوائد وجود السيولة هو  أكيد إنها بتفوق تكلفة رسوم الـ Credit card إلى حد بعيد. لازم نظام التعامل مع فواتير عملائك يكون محدد ويحصل بشكل سريع. وماتكونش خايف من إنك تلجأ لمجموعة من المحاسبين أو المبرمجين أو التكنولوجيا عموما لإن ده متاح في السوق الحالي دلوقت.

 

وفي النهاية كل الاختيارات بتوصلك لإزاي تنظم أمورك كصاحب عمل، وباتباعك للخطوات اللي قلناها هتقدر تخطط لفلوسك بشكل سليم، وهتقدر تستخدم التكنولوجيا الاستخدام اللي يناسبك، كل اللي عليك هو إنك تكون قادر على التنبؤ بأزمة السيولة قبل ما تحصل علشان تتجنبها.

 

Leave a Comment

You must be logged in to post a comment.